گاندھی جینتی بھارت کی قومی تعطیل ہے جو بابائے قوم موہن داس کرم چند گاندھی کے یومِ پیدائش کے موقع پر منایا جاتا ہے۔ 15 جون 2007ء کو اقوام متحدہ کی جنرل اسمبلی نے 2 اکتوبر کو ’’عدم تشدد کا عالمی دن‘‘ منانے کی قرارداد پیش کی جو 27 جون 2007ء کو منظور کر لی گئی۔
گاندھی جینتی ہر سال 2 اکتوبر کو منائی جاتی ہے۔ یہ بھارت بھر میں سرکاری طور پر منائے جانے والے تین قومی دنوں میں سے ایک ہے۔ دیگر دو دنوں میں یومِ آزادی (15 اگست) اور یومِ جمہوریہ (26 جنوری) شامل ہیں۔
